Við í SEM erum afar þakklát fyrir þá hlýju og stuðning sem landsmenn hafa sýnt okkur og sendum öllum okkar allra bestu kveðjur
Spennandi námskeið í Strasbourg fyrir ungt fatlað fólk
Dagana 21.-28. október 2012 munu Evrópusamtökin um sjálfstætt líf, ENIL, standa fyrir viku löngu námskeiði um hugmyndafræðina um sjálfstætt líf og NPA í samstarfi við Evrópuráðið. Markmið námskeiðsins er að hvetja ungt fatlað fólk til þátttöku í mannréttindabaráttu bæði í sínum heimalöndum og á Evrópuvísu. Einnig að skapa vettvang fyrir ungt fólk til þess að kynnast, deila reynslu sinni og fræðast saman. Áhersla verður lögð á að efla leiðtogahæfni þátttakenda og mynda sterkari tengsl milli ungs fatlaðs fólks innan Evrópu.
Allir þeir sem eru á aldrinum 18-30 ára og tilheyra hópi fatlaðs fólks geta sótt um að taka þátt í námskeiðinu. Þátttakendur þurfa að koma frá landi/ríki sem á sæti í Evrópuráðinu og er Ísland eitt þeirra landa. Námskeiðið mun fara fram á ensku og því er mikilvægt að þátttakendur hafi einhverja enskukunnáttu. Umsóknarfrestur er til og með 10. júní 2012.
Norræni Mænuskaðadagurinn 2012
Þann 27 apríl n.k. er Norræni Mænuskaðadagurinn og í því tilefni ætlar SEM að bjóða félagsmönnum sínum til veislu í salarkynnum sínum að Sléttuvegi 3 kl 19:00. Jóna Marvins mun sjá um kræsingarnar og við hin um að skemmta hvort öðru.
Landssöfnum SEM
Landssöfnum SEM og Stöðvar2 og með fulltingi áhugahóps um bætta umferðarmenningu fór fram 7 október eins og auglýst hafði verið. Sýnt var beint og í opinni dagskrá á Stöð2 og voru þau Kolla og Sindri þáttastjórnendur. Á þremur tímum náðist að safna rúmum 18 milljónum í símveri og með 900 númerum. Einnig má búast við að verðmæti vinnuframlaga og efni sem gefin voru skara hátt í 10 milljónir.
Hægt er sjá klippur úr söfnuninni á visir.is
Happdrætti
Hið árlega happdrætti SEM samtakanna er hafið að nýju og er þegar búið að dreifa í flest hús á landinu. Einnig eru sölumenn frá samtökunum hér og þar um bæinn að selja miða og óskum við þess að þeim verði vel tekið og að þeim farnist vel í sölunni. Það verður svo dregið 24 febrúar n.k. Vinningsnúmerin verða auglýst í blöðunum og einnig sett inn hér á heimasíðu SEM.
SEM samtökin eru með söfnun í kvöld í opinni dagskrá á Stöð tvö
Ragnheiður Davíðsdóttir fór í spjall Í Bítið á Bylguni og talaði um söfnunina
